_( عــــــالـــي ٍ قــــدرك)_ ‏

من طرف لقيت روحي الخميس فبراير 14, 2008 12:40 pm

السلام عليكم ورحمه الله وبركاته

اشهد اني من فراقك ماسليـت
كان قلبك يالغـلا عنـي سـلا
مااضنـه لا وربـي ماهقيـت
اعرف انك ترتوينـي بالغـلا
ليش طولت الغياب ولا لفيـت
ليش زودت البلا فينـي بـلا
كان ودك تعرف اللي بي جنيت
بسألك باللي خلق كـل المـلا
مادريت اني على حبك حييـت
وان وقتي تو مـازان وحـلا
عالي ٍ قدرك بقلبي واعتليـت
فوق كل اللي تبي حـب وولا
انت واحد صعب مثله مالقيـت
انت من هو بالغلا كاسي مـلا
بطلبـك ياغايتـي ياماشكيـت
بس ابي منك تسمعنـي هـلا
ياوجودي وجد من هو قال ليت
او وجود اللي عن دياره جـلا
رجعتك عندي تساوي كل بيت
ينكتب فالحب يسبـق ماعـلا
ان لفيت القلـب ولا مالفيـت
عالي ٍ قدرك بقلبـي واعتـلا

الشاعر
محمد بن نايف