دفاتر الأحزان

دفاتر الاحزان ملّت قصيدي
وملت عيوني كثرة الدمع والنوح
ودمي تملل منه حتى وريدي
وانا لهيب الهم بالقلب له فوح
همٍ قديم وهم توه جديدي
من سبته دمعي على الخد مسفوح
لو يتناقص يوم يومٍ يزيدي
تعذبت نفسي من الهم والروح
ذابت وانا همي طويل ومديدي
متى على الله يافرج برقك يلوح
مليت من وقتٍ شديد وعنيدي
مايرفق بقلبٍ من الهم مجروح
مع وحدته ماله عوين وعضيدي
غير الله اللي يعلم السر والبوح
يارب ترحم ضعف عبدٍ وحيدي
مانام ليله والحزن يبني صروح

الشاعر
نسايم الليل