قالوا انسيه

قالوا انسيه من باع الوفا واتركيه
دام حبك تنكر له وعهدك نساه
قلت احبه وقلبي بالغلا يحتويه
ايه احبه ومن روحي تمكن غلاه
كيف ابنساه واحساسي ينادي عليه
مقدر انساه وعيوني ترقب خطاه
وكان قلبه قسى واحرق غلاي بيديه
عزتي له من ايام الندم لاطواه
كل يوم اكتب اللأبيات واقول فيه
لين الّفت لي ديوان شعر بهواه
كل نبض بقلبي يعشقه يحتويه
ولاهو بس نبضي إلا كل قلبي معاه
لوذبحني غرامه حالفه ماشتكيه
ولا احد يأخذ بثأري تراني فداه
اسمعوني تراني وين ماراح ابيه
ولوسكن بآخر الدنيا ابمشي وراه
ووين مايتجه ابي اتجه له واجيه
غصب عني لأني ماتحمل جفاه
وذا جوابي لكل اللي يقولون ليه
هو حبيبي وانا ملزومه اتبع رضاه

الشاعره
رياح الوفا