تأقلم علـى جـو المفـارق ياقلـبٍ تـاب

ترى هـاذي الدنيـا كـذا نكسـه وتوبـه
تعلم تعلـم مـن خطـاء الغيـر يااللعّـاب
وجنّب طريق أهل الهوى وتـرك دروبـه
تماديت بسرافك وطيشك وانـا المنصـاب
تبعتك وانا اللـي ماحسبتـك لـي عقوبـه
عليك الله اكبر كل ماجيـت اصـك البـاب
(تحلوالي)وكنـك تقـول أبـك هالنـوبـه
وانا والله اني قلبي اخضـر وتـوي شـاب
ومشـوار قلبـي بالهـوى بـاديٍ دوبــه
وأزيدك بعد( شيطان يسراي)لابـس كـاب
عنيد... ومريد .. وللطرب حـازمٍ ثوبـه
وبليت بحبيبٍ غير عـن كـل هالأحبـاب
ملاكٍ جمع كـل الحـلا سحـر وعذوبـه
أموت بغلاه ويندفـن بـي ولـه واعجـاب
ولو قلت لك مجنـون فـي حبـي كذوبـه
تعدى الجنون وصرت انا اقرب من الأقراب
مشاركه في دمه ...وقوتـه... ومشروبـه
أنا ادمنته (إدمان المريكي لرقص الـراب)
أو إدمان (ديقو ماردونـا لسحـر كوبـه)
وعشقته كثر عشق (بدوي ذبـة المرقـاب)
ليا صـار يبغـى مـدة الشـوف لذهوبـه
وكثر عشقهم شيباننـا (جلسـة المحـراب)
وكثر عشقهم للمـوت (شجعـان بعقوبـه)
وأباتوب لكن كيـف أباتـوب يالأصحـاب
(مدامي كذا وشلووون ابقوى على التوبـه)

الله الله يامبدعه

شكرا لكي اختي ع ـلى الموضوووع

العفو
واشكرك على المرور وماتقصر ابد
تحيتي